Hope part 02

හෝප් කතාවෙහි දෙවන කොටස

හෝප්ව ඇයගේ නිවස අසල සිටින ඇගේ පන්තියේම ⁣ඉගෙනුම ලබන මිතුරෙකු විසින් ඇයව පාසලෙන් රැගෙන ඒමට රැගෙන යාමට කටයුතු කරනු ලබනවා. ඔහු ඇයට පවසන්නේ නැවත අසනීප නොවන ලෙසටය. 

මේ අයුරින් හෝප්ගේ ⁣දවස් ගෙවීයාම සිදු වෙමින් පැවතුණි. ඇය සාමාන්‍ය අතට හැරෙමින් තම දෛනික කාර්යයන් සඳහා සිය අවදානය ලබා දෙමින් කටයුතු කරමින් සිටින සමයක නැවත වරක් පියා විසින් අපරාදකරු මුණ ගැසීමට සිය මිතුරෙකු සමඟ පිටත් වන්නට විය. එම අවස්ථාවේ දී හෝප්ගේ පියා විසින් ඔහු හ⁣ට අනුකම්පා කළ යුතුද නැති ද යන්න සිතමින් කතාබහේ යෙදෙන්නට විය. 

අපරාදකරු දිගිහින් දිගටම කියා සිටියේ තමන් එම අවස්ථාවේ බීමතින් සිටි නිසා අවසිහියෙන් සිටිබවටය. එමනිසා තමන්ට කිසිවක් මතකයට නඟා ගැනීමට නොහැකි බවත් එවැනිදෙයක් සිදුව  ඇත්නම් තමන් ඊට දඬුවම් විදිය යුතු බවට ඔහු හෝප්ගේ පියාට දන්නවා සිටින්නට විය. 

එහෙත් ⁣හෝප්ගේ පියාහට ආවේගයපාලනට කර ගත නොහැකිව ඔහු විමසා සිටියේ මෙවැනි දෙයක් කරන්නට තමන්ගේ හිත දුන්නේ කෙසේද? යන වගය.  එවිට අපරාධකරුවා විසින් කිසිත් නොදැනෙන තරමට "තාත්තා වගේම තමා දුවත් පාලනයකර ගන්න හරිම අමාරු වුණාමට".  මෙම ප්‍රශාකයත් සමඟ හෝප්ගේ පියාට දැඩි කෝපයක්, දුකක්, වේදනාවක් ඇතිවන්නට විය. කෙසේ හෝ මොහුට දඬුවම් ලබා දිය යුතු බවට සිතා ගන්නට විය.

අවසන් නඩුවාරය පැමිණීම සිදු වන්නට විය. එහිදී නැවතත් හෝප්ව එම සභාවට රැගෙන ඒම සිදුකළ අතර ඒ හරහා හඳුනා ගැනීමේ පෙරට්ටුවක් ද ක්‍රියාත්මකවන්නට විය. ඇය විසින් අපරාධකරුවා හඳුනා ගැනීමෙන් අනතුරුව නඩුකාරවරයා විසින් අසන ලද ප්‍රශ්න සඳහා ද පිළිතුරු දෙන්නට විය. එහෙත් අපරාධකරුවාගේ පැත්තෙන් සැම විටම ප්‍රකාශ වූයේ තමන්ට කිසිවක් මතක නැති බවය. 

කෙසේ හෝ සියලු දෙනාම බලාපොරොත්තු වෙන් සිටි එම තීරණාත්මක නඩු තීන්දුව නඩුකාරාවරයා විසින් ප්‍රකාශයට පත් කරන ලදී. ඔහු කියා සිටියේ වන්දි මුදලක් ගෙවීමට සිදුවන අතරම වසර 8ක් දක්වා සිරදඬුවමක් ලැබීමට තීන්දු කරන බවටය. අවුරුදු 8කින් ඔහු නිදහස් වී පැමිණෙන විට හෝප්ගේ වයස අවුරුදු 18ටත් අඩුය. 

හෝප්ගේ පියා විසින් සිදුනොවිය යුතු යැයි බලාපොරොත්තු වූ එම නඩුතීන්දුව ලැබීමත් සමඟ මුලු නඩුතීන්දු වාරයේ දීම එය අසා සිටී පිරිස් වෙතින් දැඩි චෝදනාවන් නඩුකාරවරයාට එල්ල වන්නට විය. හොප්ගේ පියාගේ යහළුවෙකු විසින් නඩුකාරාවරයා වෙතින් තදින් ප්‍රශ්නකරන්නට විය. 

කෙසේ වෙතත් සිදු වූ සිදුවීම සහ අපරාධකරුවා පෙර දී තමන් වෙත සඳහන් කරනු ලැබූ කරුණු සිහිවීමත් සමඟ හෝප්ගේ පියාට දරා ගත නොහැකි කම්පනයක් ඇති වීමෙන් අපරාධකරුට පහරදීමට සැරසෙන විටදී හෝප් තම පියාගේ කකුලෙහි එල්ලී එය වළක්වාලීම සිදුකරනු ලබයි. 

නඩුතීන්දුව එසේ සිදුවීමෙන් අනතුරුව හෝප් තම පාසල් ගමන ආරම්භ කරන්නට විය. ඇය පාසලට යන මාවතේ දී එම සිදුවීමට මුහුණ දුන් ස්ථානය දැකීමෙන් යම් ව්‍යාකූල තත්ත්වයකට පත් වන්නට වූවත් ඇය එම තත්ත්වයට මුහුණ දීමට ආරම්භ කරන්නට විය. 
අවසානයේ තමා පිටුපසින් පැමිණෙන තමන් ආසම කාටූනයේ වීරයා තම පියා බව ඇයට අවබෝධ වන්නට විය. හෝප් තම පියාව මඟ හැරීම නවතාලන්නට වූයේ ඔහු තරම් ඇය පිළිබඳව වදවන කෙනෙකු නොමැති බව ඇයට වැටහී ගිය නිසාවෙනි. 

මව විසින් ද සූරියකාන්ත සායනය වෙත හෝප්ව රැගෙන යාමට අමතක නොකරන ලදී. එම සායනයේ භාරකාර කාන්තාවගේ දියණියට ද මෙවැනි ම වූ සිදුවීමක් සිදුවන්නට වූ බවත් ඇය අවුරුදු 16දී සියදිවි නසා ගත් බවටත් එම නිසා මෙම සායනය තමන් විසින් ආරම්භ කරන්නට වූ බවට හෝප්ගේ මවට සඳහන් කරන්නට විය. 

සමස්ත සිනමා නිර්මාණය පිළිබඳව සාරංශයක් දැක්වුව හොත් , ලෝකයේ ඔබ කුමන හෝ තැනක ජීවත් වූවත් මිනිසා සතුව පවත්නා මානව ගුණාංගයන් වෙනස් ⁣වන්නේ නැත. හොඳ නරක යන දෙපාර්ශවයම එම මානවයා තුළ සියයට 50/50 පවතී. තවමත් පුංචි දරුවෙකුට පවා තනිවම හරියාකාරව මහමග තනිවම යාමට තරම් ආරක්ෂිත වටපිටාවක් ලෝකය තුළ නොපවතින බවට මෙම කතාව තුළින් නිරූපණය වේ. 

ලෝකට ක්‍රමයෙන් දියුණුවෙමින් පවතින බව සැබෑවකී. එහෙත් බාහිර සාධක හරහා ඇතිවන දියුණුව ලෝකයක පැවැත්මට බලානොපානු ලබයි. එයට හෝතුව නම් මෙම සමස්ත ලෝකයම රඳා පවතිනු ලබන්නේ මිනිසා විසින් සිදුකරනු ලබන ක්‍රියාකාරකම් හේතුවෙන් නිසාවෙනි. 

ජීවී පිරිස් කොතරම් මිහිපිට ජීවත් වුවද මිනිසාට තරම් බුද්ධිමට්ටමක් ඔවුනට නොමැත. එමනිසා බාහිර සාධකයන්ගේ දියුණුව හරහා ලෝකය තව දුරට සුඛිත වූ ස්ථානයක් වූවාට එහි වෙසෙන මිනිසා දැනුම, කුසලතා, ආකල්ප යන තෙවදෑරුම් සංකල්පයන්ගෙන් දියුණු වීම සිදු නොවුණහොත් ජීවත් වීම යන කාරණාව පවා අතිශයින් අපහසුකාරනාවකි. 

හෝප් අවුරුදු 8ක පුංචි දරුවෙක් වූවත් තමන්ට යම් අනතුරක් වූ විට කටයුතු කළ යුත්තේ කෙසේද යනවග ඇය දැනසිටින්නට විය. තමන් අනතුරකට ලක්ව ඇති බවට අවබෝධවීමත් ඒ සඳහා පොලිසීය ඇමතීම පළමු වශයෙන් සිදුකළ යුතු බවටත් එවැනි අවස්ථාවකදී පවා ඇයට සිතුනේ නම් ඇයට ලැබී තිබෙන පාසල් අධ්‍යාපනය හා පවුල වෙතින්, ඇය අවට වටාපිටාවෙන් ලැබී තිබෙන අවබෝධය දැනුම සැලකිය යුතු මට්ටමක ඇති බවට අපට මෙම සිනමා නිර්මාණය තුළින් අවසානයේ දී අවබෝධ කර ගැනීමට හැකියාව ලැබේ. 

එ⁣සේම කරදරකාරී අවස්ථාවක දී අත්නොහැර තමන් වෙනුවෙන් යම් කැපකිරීමක් කිරීමට තරම් උණුසුම් හදවතක් ඇති පුද්ලයෙන් තවමත් සිටිනා බවට හෝප්ගේ මවගේ සහ පියාගේ යහළුවන්ගෙන් අපට දැක ගත හැකිය. 

දෙමාපියන්ගේ හැසීරීම් දරුවන්ට ඍජුවම බලපාන බව ⁣මෙහිදි සඳහන් කළ යුතුවේ. එයට හේතුව නම් හෝප් රෝහලේ සිට නිවසට පැමිනීමෙන් අනතුරුව ඇගේ මවගේ යහළුවාගේ පුතා සහ ඔහුගේ යහළුවන්  විසින් කිසි විටෙකත් හෝප්ව තනි නොකිරීමට කටයුතු කරන්න⁣ට විය.  

අවසානයේ තමන්ගේ පවුල තරම් තමන් හට පිහිටක් තවත් නැති බවට හෝප් අවබෝධ කර ගත් අතර තම පවුලට එකතු වූ නව සාමාජිකයා වූ මල්ලී තමන්ගේ නව ආරක්ෂකයා යනුවෙන් ඇය අවබෝධකර ගත් අතර ඔහුව වඩාත් හොඳින් බලාගැනීමට තමන් ද කැපවෙන බවට සිතා ගන්නට විය. 

ඔබ යම් වරදක සැබෑ වරදකරුවෙකු යැයි හැඟවෙන්නේ ඔබේ හෘදසාක්ෂියද ඊට නිසි තීන්දුව විටින් විට ලබා දීමට කටයුතු කරන විටදීය. නඩුකාරවරයාගේ එම තීන්දුව ඇස්බැන්දුමට ලක් වූ නීතියට අවනත වුවද ඔහුගේ හෘදසාක්ෂියට අවනත නොවන පවට එම අවස්ථාවේ දී අපට සිනමා නිර්මාණය නරඹන විට අවබෝධ වේ. 

මෙය හුදෙක් අසාමාන්‍ය කතා පුවතක් නොවේ. සමාජයේ තවමත් සිදුවන සිදුවීමක එක් නඩුතීන්දුවක් ලබා ගත් එක් කතා පුවතක් පමණී. නඩුතීන්දු නොමැති කිසිවෙකුත් නොදන්න තවත් බොහෝ මෙවැනි කතාපුවත් තිබිය හැකිය. විය යුත්තේ මානව ගුණාංගයන් වර්ධනය වීමය. නඩු⁣තීන්දු පොතෙහි හෘදසාක්ෂියට පිටු පෑමට විරුද්ධව ද නඩුගොනු කළ හැකි නීති සම්පාදනය කළ යුතුය.

-නවෝද්‍යා වික්‍රමසිංහ- 

4 Years

වසර 04ක්,මතක ගොඩක් නැවත එක්වීමක්.

මට ඔයාව ඕන ඒත් එපා. ⁣මට තේරෙන්නැ මොකද්ද මේ කියලා. හිත හරි කලබලයි. ඒත් තාම ඔයා ගැන පුංචි හිතක් තියනවා මට. 

මං හරි ආදරෙයි ඔයාට.

ඔව් මට ඒක පිළිගන්නම වෙනවා. මං එයාට තවමත් ආදරෙයි. මට ඒක දැනෙනවා. මට ඔයාව දැනෙනවා. ඔයා නිසාම මට මාවත් දැනෙනවා. 

හිතේ දෙගිඩියාවෙන් ඉන්න හැඟීම් මහා අමුතුයි. මොනාද හරි මොනාද වැරදි කියලා හිතා ගන්න බැ. හැබෙයි හදවතේ මොන හැඟීමද වැඩි පුරම ගැහෙන්න කියලා තේරුම් ගියොත් ඕන දේ තෝර ගන්න අමාරු ⁣වෙන එකක් නැ. 

හදවතට දැනෙන දේ ආත්මෙම සුවපත් වෙනවා සැනසෙනවා වගේ දැනෙනවා නම් මහා කාලයක් ගියත් මොකද හිත සනීපෙන් නම්. 

ආද⁣රේට අරමුණක් දෙමු. අරමුණු වලට යන ගමන් අපි ආදරේ කරමු. පුංචි ධනයක් විදිහට ආදරේ හුවමාරු කරගමු. සමහර වටිනාකම් හරියටම දැනෙන්⁣නේ අරමුණුත් එක්ක බැඳුනම. 

"ඊළඟ වතාවේ මේ දවසේ මෙතනදී මං මට යන්න පුළුවන්  ඔයා ඔය කියන තැනට ගිහින්⁣ ඇවිත් මුණ ගැහෙන්නම්"

කතාව ගැන

මලයාලම් සිනමාව තුළ හරි අපූරුවට දිග හැරෙන මෙම රෝමාන්තික නිර්මාණය හරහා විශාල්ගෙත් ගයත්‍රිගෙත් අවුරුදු 4ක විශ්වවිද්‍යාල⁣ (College ) මතක ආවර්ජනයක් හරියටම කිව්වොත් දෙන්නගේ ආදර කතාව පිළිබඳව සිහිකැදවීමක් සමඟ නැවත ගොඩනැගීමක් ගැන අන්තර්ගත වේ. 

පැය 02යි විනාඩි 02ක ධාවන කාලයක් හිමි මෙම සිනමා පටය ranjith sankar විසින් අධ්‍යයක්ෂණය කර ඇති අතර ඔහු විසින්ම රචනා කොට තිබේ. Romance  යන Categoryඑක යටතේ දිවෙන මෙම සිනමා නිර්මාණය තුළ ආදරය, විරහව, දෙගිඩියාව, සිත්තැවුල, හිස්බව යනාදී හැඟීම් ගොන්නක මුසුවකින් විශාල තිරයකට ගෙන එනු ලබයි. 

ඇයටත් ඔහුව ඇවැසි, ඔහුටත් ඇයව අවැසි. නමුත් කුමක් හෝ හේතුවක් ඔවුන් අතර ඇති අඩියක දුරට හරස් වේ. එය සිනමාපටය පුරා හරි අපූරුවට පෙන්වා දිමට උත්සාහ දරා ඇති බවට කිව හැකිය. 

ඇත්ත සිතුවිලිවල පවත්නා ප්‍රබලත්වය තරම්ම ප්‍රේමය තුළ පවත්නා හැඟීම් සඳහා වූ  ඇබ්බැහි වීම පිළිබඳව හරි ආදරණීයව අප වෙත ⁣ගෙන ඒමට අධ්‍යයක්ෂකවරයා කටයුතු කර තිබේ.  

Sarjano Khalid (විශාල්) Priya Prakash Varrier(ගයත්‍රී) යන දෙදෙනා රංගනයෙන් දායක වන අතර බැලූ බැල්මට ඔවුන්ගේ රංගනයද කතාවෙහි රසය පවත්වාගෙන යාමට විශාල රුකුලක් වන බවට සඳහන් කළ හැකිය. 2022 වර්ෂයේ මෙය තිරගත වූවත් තවමත් මෙම සිනමාපටය සඳහා විශාල රසික ආකර්ෂණයක් පවතින බවට සඳහන් කළ හැකිය. 

එහෙනම් එකතුවෙන්න ඔබට ඔබේ අතීත කතාවට මෙම නිර්මාණය පුංචි මතක ආවර්ජනයක් විය හැකිය. රෝමාන්තික බවෙහි කිතියක් නුඹට අත්විදීමට හැකිවන බව නොඅනුමානය. 

-නවෝද්‍යා වික්‍රමසිංහ- 

cannes film festival

ප්‍රංශයේ දැවැන්ත සිනමා උළෙලක් ගැන දැන ගමුද? 

සිනමා කර්මාන්තය කියන්නේ බොහෝ සෙයින් සංකීර්ණ එහෙත් සරලව ⁣සහෘදයා වෙතට කලාව රැගෙන යාමට පුරෝගාමී වූ කර්මාන්තයක්.

මෙම කර්මාන්තය තුළ නියැලෙන්නන් ඇගයීමට ද කිසිවිටෙකත් අමතක නොකළ යුත්තේ කලාකරුවාගේ දායකත්වය සමාජයක විවිධ ශානරයන් විශාල තිරයකට පතිත කරවීමටත් සාමාන්‍ය මිනිසෙකු සහෘදයෙකු කරවීමටත් අත්උදව් සපයන නිසාවෙනි. 

ඇගයීම ඕනෑම ක්ෂේත්‍රයකට ඉතාමත් අවැසි වන කරුණක් වන්⁣නේ එය කෙනෙකුගේ මානසික සුවතාවය ඇති කරලීමට හේතුවන අතරම ස්වං ජීවිතය තුළ තමන් පිළිබඳව ආත්මඅභිමානයක් ගොඩනඟා ගැනීමට හැකිවන නිසාවෙනි. 

ආරම්භය ...

ඒ අනුව ගත්කළ සිනමාවට ඇගයීමක් ඒක කරලීමට සිනමා උළෙලක අසිරිය ලෝකයට මෙ⁣ලෙසින් හඳුන්වා දෙන්නට විය.  ලෝක සිනමාවේ ප්‍රධාන කථාංගයක ආරම්භය සනිටුහන් කරමින් ජාත්‍යන්තර චිත්‍රපට උළෙලෙහි උපත දෙවන ලෝක සංග්‍රාමයේ අවසන් වාතාවරණය හමුවේ ඇති විය. 

මෙලෙසින් ලොව පුරා පවත්නා සිනමා නිර්මාණයන් ඇගයීම උදෙසා මෙවැනි උළෙලක් ආරම්භ කරලීමට මූලිකම හේතුව වූයේ,

හිට්ලර් සහ මුසෝලිනිගේ පීඩනය යටතේ, මොස්ට්‍රා හි ජූරි සභිකයන් නාසි ප්‍රචාරක වාර්තා චිත්‍රපටයකට පක්ෂව නිල ප්‍රතිඵල ප්‍රකාශයට පත් කිරීමට පැය කිහිපයකට පෙර සම්මානලාභීන් වෙනස් කරලීමට කටයුතු කිරීමයි.

එම සිදුවීම හමුවේ කම්පනයට පත් වූ ප්‍රංශ රාජ්‍ය තාන්ත්‍රිකයෙකු සහ ඉතිහාසඥයෙකු වන ෆිලිප් එර්ලන්ගර්, කිසිදු පීඩනයකින් සහ බාධාවකින් තොරව නිදහස් උත්සවයක් සංවිධානය කිරීම ගැන ඒ වන විටත් සිතන්නට පටන් ගෙන තිබුණි. 

 ඔහු එවකට ප්‍රංශ අධ්‍යාපන අමාත්‍යාංශයේ ජීන් සේගේ අනුමැතිය ලබා ගත් විට මෙම අදහස නිල බවට පත්වන්නට විය.

ඒ අනුව ජාත්‍යන්තර චිත්‍රපට උළෙල 1939 සැප්තැම්බර් 1 වැනි දින වැනිස් චිත්‍රපට උළෙලට සමගාමීව කෑන්ස්හී නාගරික කැසිනෝ ශාලාවේ ශ්‍රවණාගාරයක පැවැත්වීමට නියමිතව තිබූවත්  සැප්තැම්බර් 1 වන දින ජර්මානු හමුදා පෝලන්තය ආක්‍රමණය කරන්න⁣ට විය. 

එම නිසා උත්සවය දින 10කට කල් දැමුවත් තත්ත්වය තව දුරටත් දරුණු අතට හැරීම හේතුවෙන් පෙර කී පරිදි එය දෙවන ලෝක සංග්‍රාමයේ අවසන් කාලසීමාව තුළදී පැවැත්වීමට කටයුතු කරන්නට විය. 

පෙර සිදු වූ කණගාටුදායක හේතුව නිසාවෙන් නැවත මෙම උළෙල පැවැත්වීමට කෑන්ස් නගර සභාවට අවශ්‍ය මූල්‍යමය ප්‍රතිපාදන නොවීය. අවසානයේ ජනතාව⁣ විසින් එක් රැස් කරනු ලැබූ අරමුදල් මුල් කර ගනිමින් මෙම උත්සවය පැවැත්වීමට කටයුතු කරන්නට විය. 

මෙලෙසින් ආරම්භය සනිටුහන් කළ කෑන්ස් උළෙල හේතුවෙන් 1970 දී චිත්‍රපට නරඹන්නන් 4,000 සිට 1990 දී 72,000 දක්වා ප්‍රේක්ෂක සංඛ්‍යාව වැඩි වන්නට විය. මෙම සිදුවීම නගරය පුරා කතා බහට ලක්වීමට ⁣විශාල හේතුවක් විය. 

80 දශකය වන විට චිත්‍රපට නිෂ්පාදකයින්ගේ බොහෝ ඉල්ලීම් සඳහා වේදිකාවක් බවට පත්වීමට මෙම  උළෙලේහි කීර්තිය සමත් විය.

තවද ඉදිරිපත් කරන ලද චිත්‍රපට තේරීමේදී රජයේ බලපෑම්වලට කිසිවිටෙකත් ඉඩ නොදෙන  සහ සමාජ දැනුවත්භාවයකින් හෙබි තරුණ අධ්‍යක්ෂවරුන් බිහි වූ දශකයක් ලෙසින් ද මෙය හදුන්වා දිය හැකිය. 

මේ සියල්ලත් සමඟ වෙන කවරදාකටත් වඩා, 21 වන සියවස ආරම්භයේ කෑන්ස්  යනු ලොව ප්‍රමුඛතම සිනමා උළෙල විය. බර්ලින් හෝ වැනීසියේ උත්සව වැනි අනෙකුත් ජාත්‍යන්තර සිනමා සිදුවීම් අතර එය කැපී පෙනීමට සමත් විය. 

කෑන්ස් ජනප්‍රිය වුණේ කොහොමද?

උළෙ⁣ලෙහි පළමු කාලසීමා කිහිපය තුළ  චිත්‍රපටවලින් ඔබ්බට විනෝදාස්වාද ඇතුළු විකල්ප රාශියක් ඇතුළත් විය. 

පෙළපාළි, වෙරළ තීරයේ ගිනිකෙළි සහ පරෙවියන් වාතයට මුදා හැරීම් ආදිය එහි විය. 

වර්තමානයේ ත්‍යාගවලට අමතරව, උත්සවය අතරතුර චිත්‍රපට ප්‍රදර්ශන, ප්‍රසංග සහ රතු පලස වැනි වෙනත් සමාජ සිදුවීම් පවතී. මෙම රතුපලස මත ගමන් කරලීමට බොහෝ ඉල්ලුමක් පවතී එයට හේතුව නම්, ෆෙස්ටිවල් ඩි කෑන්ස් යනු ලොව විශාලතම මාධ්‍ය සිදුවීම් වලින් එකක් වන නිසාවෙනි.

මාධ්‍යවේදීන් 4000 කට අධික සංඛ්‍යාවක් සහ රටවල් 90 ක පමණ මාධ්‍ය ආයතන 2000 කට අධික සංඛ්‍යාවකින් මෙම උළෙලෙහි ආවරණය සිදුවේ. 

එම නිසාම ඉතා අධික ඉල්ලුමක් මෙන්නම වටිනාකමකින් යුතු මෙම පලස මත ලෝකයේ නන්දෙසින් පිළිගැනුමට ලක් වූ සිනමා කර්මාන්තයේ දැවැන්තයින්, විලාසිතා  ලෝකයේ ප්‍රවීණයින් යනාදී විශාල පිරිසක් සහභාගී වන අතරම මෙම උළෙල සඳහා ආරාධනාපත් නිකුත් නොකිරීමද විශේෂත්වයකි. 

එහෙම නම් ප්‍රංශයේ කෑන්ස් උළෙල සඳහා සහභාගී වීමට ඔන්න ඔයාටත් හැකියාව තියනවා. කරන්න තියෙන්නේ Cannes festival  එකට ඕන කරන ටිකට් එකක් මිලදී ගන්න එක විතරයි. හැබෙයි ඉතිං ටි⁣කට් එකක මිල ඩොලර් 6,100-25,000 අතර තමයි තියෙන්නේ. 

ලංකාවේ මුදලින් එහෙනම් මේක හදලා බලන්නකෝ. 😉

-නවෝද්‍යා වික්‍රමසිංහ- 

Hope

යුක්තිය සහ හෘදසාක්ෂිය අතර නඩු තීන්දුවක්.......

දකුණු කොරියානු සිනමාවෙන්  බිඳක් .

            කොරියානු සිනමාව සහ කොරියානු සංගීතයට මේ වන විට ලෝකය පුරා පවත්නා ආදරය සහ ලැදියාව වචනයකින් විස්තර කරලීමට මා අපොහොසත් වෙමි. කොරියානු ටෙලි නිර්මාණයන් ලංකාව තුළ අතිශය ජනාදරයට පාත්‍ර වූ බව කාටත් නොරහසකි. 

දකුණු කොරියානු සිනමා කර්මාන්තය පිළිබඳව පුංචි වචනයක් එක්කළ හොත්, 2020 මුල් භාගයේදී, දකුණු කොරියානු අධ්‍යක්ෂක  bong joon-ho ගේ 'Parasite' නමැති චිත්‍රපටය හොඳම චිත්‍රපටය සඳහා වන ඇකඩමි සම්මානය දිනාගත් පළමු ඉංග්‍රීසි නොවන චිත්‍රපටය බවට පත්වෙමින් ඉතිහාසගත වූ බව අප කවුරුත් දන්නා කරුණකි. 

මෙහි පවත්නා විශේෂත්වය වන්නේ 1955 න් පසු හොඳම චිත්‍රපටය⁣ ජයග්‍රාහකයා කෑන්ස් සිනමා උළෙලේ Cannes Film Festival Palme d'Or සම්මානය දිනාගත් පළමු අවස්ථාව එය වීමයි. මෙම චිත්‍රපටයෙහි සාර්ථකවයත් සමඟ දකුණු කොරියානු සිනමා කර්මාන්තය වෙත නැවත අවධානය ලැබෙන්නට විය. 

සංස්කෘතික වෙනස්කම් නොතකා ජාත්‍යන්තර ප්‍රේක්ෂකයින්ට දකුණු කොරියානු චිත්‍රපට ද රසවිඳිය හැකි බවට ඒ හරහා ඒත්තු ගැන්වීමට ඔවුනට හැකි විය. 

Hope ගැන...

Hope සිනමා පටය පිළිබඳව සඳහන් කිරීමේ දී මෙම කතාව දිග හැරෙන්නේ අවුරුදු 08ක පුංචි ගැහැණු ළමයෙක් සහ ඇයගේ පවුල වටායි. 

එදා මහා වරුසාවක් හෝප් ඉස්කෝලේ යන්න ලෑස්ති වෙලා ගෙදරින් එළියට බහිනවත් එක්කම මූණ නරක් කර ගත්තා. හේතුව අම්මට එදා වැඩ වැඩි නිසා එයාව ඉස්කෝලෙට ඇරලවන්න එන්න විදිහක් තිබුණේ නැති නිසා. 

හෝප් තනියම ඉස්කෝලෙට ගියා. අම්මා හෝප්ට කිව්වා අතුරු පාරෙන් නොයා ප්‍රධාන පාරෙන් යන්න කියලා. ඒත් එදා හෝප්ගේ අම්මා හිතුවේ නෑ හෝප්ගේ ආරක්ෂාවට කිව්ව ඒ කතාව  හිතාගන්නවත් බැරි විදිහේ දරුණු අත්දැකීමකට හෝප්ට මුහුණ දෙන්න වේවි කියලා. 

හෝප් යන පාරේ ඇයගේ ඉදිරියට මුණගැහුනු ඒම නාදුනන  පුද්ගලයා වැස්සෙන් ආරක්ෂා වීමට ඇයගෙන් උපකාර විමසන ලදී. පුංචි හෝප් ඔහුට උපකාර කරන්න ගියත් ඇයට  මුහුණ දීමට සිදු වුණේ විශාල ඛේදවාචකයකට ය.

"අපි කතා කරන්නේ පොලීසියෙන් ඔයාගේ දුවට කරදරයක් වෙලා. එයා දැන් රෝහලේ ඉන්නේ පුළුවන් ඉක්මනට රෝහලට එන්න".

හෝප්ගේ තාත්තට ලැබුණු එම දුරකථන ඇමතුමත් සමඟ ඉක්මනින් ක්‍රියාත්මක වුණු ඔහුට දැන ගන්න ලැබෙනවා තමන්⁣ගේ පුංචි දියණියව දරුණු ආකාරයට දූෂණය කර ඇති බව. විශාල කම්පනයක් සමඟම ඔහුට සිදුවෙනවා තම බිරිඳව පාලනය කර ගන්න. 

එයත් සමඟ ශරීරයේ අභ්‍යන්තරයේ කොටස් වලට දරුණු හානි ඇති වී ඇති බවට වෛද්‍යවරයා විසින් පැවසූ අතර පුංචි හෝප්ට ශරීරයෙන් පිටතට ⁣වන්නට ගුද මාර්ගයක් සවි කිරීමට සිදුවන බවට ද සඳහන් කරන්නට විය. 

සැකකරු කවුරුන්ද යන වග සොයා ගැනීම⁣ට පොලීසිය සමත්ව සිටියත් නිසැකවම ඒ ඔහුද යන්න තහවුරු කර ගැනීමට අවශ්‍ය සාක්ෂි නොලැබී තිබුණි. මේ අතර වාරයේ හෝප් ක්‍රමයෙන් පියවී සිහියට  පැමිණෙමින් සිටින්නට විය. 

දෑස් විවෘත කිරීමෙන් අනතුරුව ඇය මුලින්ම දුටුවේ තම පියාවය. කෙසේ වෙතත් ඇති වූ සිදු වීමේ කම්පනයත් සමඟ ඇයගේ කතාබහ අවම වී තිබුණත් පියා විසින් විමසන විවිධ දෑ සඳහා ඇය පිළිතුරු දෙන්නට විය. 

ඇය විසින් නරක මනුස්සාට දඬුවම් කළ යුතුය යන්න පැවසීමේ දී පියා එය මඟ හැර සිටියත් තවත් වරක් ඇය එම ප්‍රකාශය සිදු කරන්නට වු අවස්ථාවවේ දී ඔහුට දැඩි ආවේගයක් ඇති වන්නට විය. පොලිසිය වෙත ගොස් සැකකරුවා නිවැරදිව හදුනා ගැනීමට කළ හැක්කේ කුමක්ද යන්න විමසූ විට ඔවුන් කියා සිටියේ සිද්දියට මුහුණ දුන් පුද්ගලයාගේ කට උත්තරය සහ එම අපරාධ කරු හඳුනා ගැනීමෙන් එය තහවුරු කර ගත හැකි බවයි. 

කෙසේ වෙතත් පොලිසිය හට ඇයගෙන් කටඋත්තරයක් ලබා ගැනීමට ඉඩ ලබා දීමට පියා විසින් සැරසෙන විට පොලිස් නිලධාරිනියක් විසින් හෝප්ව සායනයකට ඉදිරිපත් කරලීමට කටයුතු කරන මෙන් ඉල්ලා සිටින්නට විය.  ඇය එහිදී සඳහන් කරන ලද්දේ සූරියකාන්ත සායනයට ඇයව යොමු කරන ලෙසය. 

ඔහු විසින් එම සායනය වෙතින් උපකාර ලබා ගැනීමට සැරසෙන්නට විය. කෙසේ වෙතත් හෝප්ගේ මව විසින් ඊට දැඩි විරෝධයක් එල්ල කරන්නට විය. නමුත් අවසානයේ ඇය විසින්ම එම සායනය වෙතට අමතා එයින් හෝප් වෙතට ප්‍රතිකාර ලබා දීමට කටයුතු කරන්නට විය. 

මේ සියල්ල අතරතුර හෝප්ගේ මවට දරුවෙකු ලැබීමට සිටි බවද දැන ගන්නට හැකි විය. ඇය එය තම සැමියාගෙන් සගවා ගෙන මාස තුනක කාලයක් පසු වූයේ එයින් ඔහු තව දුරටත් කරදරයට පත් වේ යැයි සිතූ නිසා බව ඇය විසින් ඔහුට පවසන්නට විය. ⁣සියල්ල එකපෙළට සිදුවෙමින් පැවති මොහොතක හෝප්ගේ දෙමාපියන්හට ඇයට සිදු වූ මෙම අපරාධය පිළිබඳ පුවත ප්‍රදේශය පුරා ව්‍යාප්ත වී යාම වළක්වාලීමට ද අවැසි විය. 

කෙසේ වූවත් මෙම සිදු වීම සිදු වී හෝරා කිහිපයක් ගත වීමෙන් අනතුරුව මාධ්‍ය හරහා මෙම පුවත ප්‍රචාරය වන්නට විය. එය සිදුවීමත් සමඟ කලබලයට පත් වූ හෝප්ගේ දෙමාපියන් විසින් ඇයව ඉක්මනින් රෝහලේ වෙනත් ස්ථානයක් වෙත ඇයව රැගෙන යන්නට කටයුතු කරන්නට විය. පියා විසින් හෝප්ව රැගෙන ඉහළ මහලයක් වෙත ගමන් කර ප්‍රතිකාර කරනු ලබන වෙනත් වාට්ටවකට ඇයව රැගෙන යන්නට විය. 

එම අවස්ථා⁣වේ ඇති වූ කලබලය හේතුවෙන් හෝප්ව ඇදෙහි තබනවාත් සමඟව ඇයගේ ශරීරයට පිටතින් සවිකර ඇති ශරීරයෙන් පිටවන මළද්‍රව්‍ය පිරී බෑගය පිපිරී ඇද පුරා විසිරෙන්න⁣ට විය. එය ඉවත් කිරීමට හෝප්ගේ පියා සැ⁣රසෙන විට ඇයට ඇති වූ ලැජ්ජාව හේතුවෙන් ඊට ඉඩ නොදෙන්නට විය. 

පියාගේ බලවත් ඉල්ලීම ඇයට සිහිය අහිමි වීමට තරම් බලපෑමක් වන්නට විය. මෙම සිදුවීම අවසානයේ හෝප් විසින් තම පියාව මඟ හැරීමට පුරුදු ⁣වන්නට විය. එය ඇයගේ පියාට විශාල සිත් තැවුලක් ඇති කරන්නට විය. 

අවුරුදු 08 පුංචි දරුවෙකුහට මෙවැනි තත්ත්වයක් හමුවේ නැවත මානසිකන ස්ථාවරවීම⁣ට ගතවන කාලය කෙතරම්ද යන්න සඳහන් කිරීස කළ නොහැකි කැරණකි. නමුත් සූරියකාන්ත සායනය හරහා එය භාරව සිටී කාන්තාව විසින් හෝප්හට තම මානසික සුවතාව පවත්වා ගෙන යාමට දැඩි ලෙසින් උපකාර කරන්නට විය. 

හෝප්ට තිබූ එකම ආසාව වුයේ නැවත පාසල් යාමටය. නමුත් ඇයගේ මවගේ මව රෝගාතුරව සිටි සමයක ඇයට අසන්නය ලැබුණු එක් වචන පෙළක් ඇගේ පුංචි සිතට තදින් කා වැදී තිබෙන්නට විය. 

ඇයගේ මිත්තණිය නිතරම "ඉපදුනාට වඩා හොඳයි මැරිලා ගියා නම් " යන්නෙන් පවසන ප්‍රකාශය ඇයට මෙම අවස්ථාවේ දී තදින් දැනෙන්නට විය. එසේම තමන් පාසල් යන්න⁣ට කෙතරම් ප්‍රිය කළත් පාසලේ සිටින යහළුවන් තමන්ට විහිළුකර ලැජ්ජ කරාවී යන හැඟීම ද ඇය තුළ කැළතෙන්නට විය. 

මේ සියලූම මානසික අස්ථාවරබවේ සිතුව්ලි ක්‍රමයෙන් පහව හැරීමට සූරියකාන්ත සායනයේ කාන්තාවට අවැසි විය. ඇය ⁣හැකිතාක් හෝප් සමඟ කල්ගෙවීමට කටයුතු කරන්නට වූ අතර ඇයගේ මව ඇතුළු යහළුවන් පිරිස එක්කව හෝප්ගේ ආසම කාටූනයට දිනක් රඟ දක්වන්නට විය. 

මේ සියලූම සිදුවීම සිදුවන අතරතුර ඇය තම පියාව මඟ හැර සිටීම නවතා නොතිබීම හෝප්ගේ පියාට දැඩි ලෙස දැනෙන්නට විය. තම දියණිය තමන් සමඟ වචනයක් හෝ කතා නොකිරිම සහ තමන්ගේ මුහුණ දෙස නොබැලීම ඔහුට මහත් සිත් වේදනාවක් ගෙන දෙන්නට විය. නමුත් තම දියණියව තනි කරලීමට ඇයගෙන් ඈත් වීමට ඔහු රුචි නොවූ නිසාවෙන් අවසානයේ හෝප්ගේ ආසම කාටූන් චරිතය ලෙසින් වෙස්වලා ගන්නට තීරණය කරන්නට විය. 

පොලීසිය විසින් හෝප් හරහා ගනු ලැබූ කටඋත්තරය හා ඇය විසින් අපරාදකරුවා හඳුනා ගැනීමත් සමඟ ආදාළ පුද්ගලයාව පොලිසිය විසින් අත්අඩංගුවට ගන්නා ලදී. එම පුද්ගලයා විසින් තමන් හට එම අවස්ථාවේදී සිදු වූයේ කුමක්ද යන්න හරියාකාරව මතකයේ නැති බවත් එම අවස්ථාවේ තමන් මත්පැන් පානය කර මත්ව සිටි නිසාවෙන් කිසිවක් මතක නැති බවට දිගින් දිගටම ප්‍රකාශ කරන්නට විය. 

නඩුවාරයන් එලෙස යන අතරතුර හෝප්⁣ට සුව විමත් සමඟ ඇයව නැවත නිවසට රැගෙන යාමට කටයුතු කරන්නට විය. එම අවස්ථාවේදී තම නිවසෙහි දොරමත අලවා ඇති පාසලේ යහළුන් විසින් අලවන ලද සුබපැතුම් පත්, ගෙදර වැඩ සටහන්, චිත්‍ර ආදිය දැකීමෙන් ඇය සතුටට පත් වන්නට විය. 

එසේම ඇගේ පියා විසින් ඇය හට ඇගේ කෘතිම ගුද මාර්ගය ආවරණයවන පරිදි ටොපි සහිත බෑගයක් සාදා දෙන්නට වූයේ එයින් නැගෙන හඬ සහ ඇයට ඉන් දැනෙන අපහසුතාවය මඟ හැරවීම උදෙසාය. 

තම දියණිය විසින් තමන් මඟ හැරීම හේතුවෙන් සිත් තැවුලට පත් වූ පියා විසින් සෑම දිනම උදෑසන පාසල් යන විටත් හවස නැවත නිවසට පැමිණෙන විටත් ඔහු ඇයගේ කැමතිම කාටූන් චරිතය ලෙසින් ඇද පැළද ගනිමින් ඇය පසුපසින් ඇයගේ දැනුවත්බාවය මතම ගමනේ යෙදෙන්නට විය. 

කතාවේ ඉතිරිය දෙයන කො⁣ටසින් බලාපොරොත්තු වන්න. 

-නවෝද්‍යා වික්‍රමසිංහ-

Gargi

තම පියාට එරෙහිව දරුවෙකු දූෂණය⁣ කළ බවට චෝදනාවක් එල්ල වුණොත් දියණියක්  හැටියට ඔබ මොකද කරන්නේ? 

ගාර්ගි යනු කුමක් ද?

අපිට හිතා ගන්නවත් බැරි නමුත් සමාජය තුළ සිදුවන බරපතල සමාජමය ගැටලුවක් පිළිබඳව "ගාර්ගි" යන දමිළ සිනමාපටය හරහා ඉදිරිපත් කරනු ලබනවා. 

සිනමාපටය ගැන පුංචි විස්තරයක් දුන්නොත් ගාර්ගි කියන්නේ මධ්‍යම පාන්තික පවුලක වැඩිමහල් දියණිය. ඇය පාසල් ගුරුවරියක් වෙනවා වගේම  පවුලේ සියලුම කාර්යයන්හි ප්‍රධානියා වන්නේ ඇයයි. ඇගේ පියාට පෙර තරම් පවුලේ වගකීම් දැරීමට ශක්තියක් නොමැති නිසාම පවුලේ වගකීම් කරට ගැනීමට ගාර්ගි හට සිදු වෙනවා. 

ඇයට තවමත් පාසල් වයසෙහි පසුවන නැගණියක් ද සිටින නිසාම ඇයගේ වගකීම් ද ගාර්ගි විසින් තමයි සිදු කරන්නේ. චිත්‍රපටිය ආරම්භයේදී ඇයගේ ජීවිතය ඉතා සාමකාමීව ගලා යන ආකාරය අපිට දැකින්න පුළුවන්. 

තම විවාහය ද තීන්දුව පවතින නිසාවෙන් ජීවිතය තුළ තමන් බලාපොරොත්තු වූ කාලය ගෙවීමට ලැබුණු බව සිතමින් සතුටින් සහ වගකීම් සහිතව කටයුතු කරමින් සිටින ගාර්ගිහට  පැය ගණනකදී, දේවල් පාලනයෙන් තොරව ගොස්  ඇගේ පවුල අඳුර විසින් ගිල ගන්ට වූ පුවතක් අසන්නට ලැබෙනවා. ඒතමයි  60 හැවිරිදි තම පියා විසින් දරුවෙකු දූෂණය කළ බවට එල්ල වන චෝදනාව. 

සිතා ගත නොහැකි වූ මෙම තත්ත්වය හමුවේ තම පියාට එරෙහි චෝදනා පිළිගත නොහැකි වීමත් සමඟ ඇය ඔහුගේ නිර්දෝෂීභාවය ඔප්පු කරලීම සඳහා යුහුසුළුව කටයුතු කිරීමට පටන් ගන්නා ආකාරය ප්‍රේක්ෂකයන්⁣ට දකින්නට හැකි⁣යාව ලැබෙනවා. 

තමන්ට තිබූ එකම ආදායම් මාර්ගය වූ  රැකියාව ද අහිමි වන අතරම ඇයට අවශ්‍ය නීතිමය සහය ලබා ගැනීමට තම පවුල⁣ට බෙහෙවින් සමීපව කටයුතු කරනු ලබන පුද්ගලයෙකුගෙන් උපකාර බලාපොරොත්තු වුවද  අවසානයේ දී ඔහු  උදව් ලබා දීම ප්‍රතික්ෂේප කරනු ලබනවා. ඒ විතරක් නොවෙයි ගාර්ගිට තමන්ගේ අම්මත්, නංගිවත් රැගෙන සැඟව සිටින ලෙසටත් ඔහු විසින් පවසනු ලබනවා. 

දුවෙක් විදිහට තමන්⁣ගේ තාත්තට එල්ල වුණ මේ චෝදනාවත් එක්ක අවට සමාජයේ සිටින පිරිස් වෙතින් ලැබෙන නින්දා අපහාසද ඇය කෙසේ හෝ දරා ගනිමින් ඊට අවශ්‍ය නීතිමය කටයුතු සිදු කිරීම ආරම්භ කරනවා. ඇයට නීතිඥයෙකු සහය ද හමුවෙනවා. මේ සියලුම සිදුවීමුත් සමඟ  දූෂණයට ලක් වූ නව හැවිරිදි දැරිය බොහෝ සෙයින් මානසික බලපෑමකට ලක් ව සිටින බව ගාර්ගි දැනගන්නවා. 

තමන්ගේ කුඩා නැගණියගේ වයසේ පසුවන එම දැරියත් අවුරුදු 24ක් තිස්සේ එකම නිවසක් තුළ හැදී වැඩුණු තමන්ගේ පියාත් අතර ඇගේ සිතුවිලි දෝලනය වීමට පටන් ගන්නා ආකාරය සිනමාව තුළ හරි අපූරුවට ප්‍රදර්ශනය කරනු ලබනවා. එය නරඹන විට අප තුළ ද ⁣වෙනස්ම සිතුවිලි සමුදායකට සහ එක් නිශ්චිත නිමාවකට අපව ගෙන එනු ලබනවා. 

සිනමා නිර්මානය වෙනස්ම මගකට....

නමුත් එක් අවස්ථාවක ඒ සියල්ල නොසිතූ අයුරින් වෙනස් කරලීමට අධ්‍යයක්ෂකවරයා කටයුතු කරනු ලබනවා. 

ගාර්ගි හට සහය වන නීතිඥවරයා විසින් ⁣අදාළ නඩු විභාගය ජයග්‍රහණය ⁣දක්වා රැගෙන ඒම සිදු කරනු ලබනවා. පියාව නිදහස් කර ගැනීමට ගාර්ගිහට හැකි වුවද නඩුව යන අතරවාරයේ දී බලපෑමට ලක් වූ කුඩා දැරිය විසින් තම පියාවම සෑම අවස්ථාවකදීම  හයවන සැකකරුවා ලෙසින් පෙන්වා දී තිබීමම ඇයට එක් අවස්ථාවක දී කුතුහලය මුසු හැඟීමක් ඇති කරන්නට හේතු වෙනවා. 

කෙසේවෙතත් පියාව නිවසට රැගෙන ඒමෙන් අනතුරව සිදු වූ සියල්ල ක්‍රමයෙන් අමතක කර දැමීමට ඇය කටයුතු කළද පියා සමඟ මුරසේවයේ යෙදෙන මිතුරා නිවසට පැමිණි දිනක ඔහුත් සමඟ කරන කතාබහකදී  අදහා ගත නොහැකි පුවතක් ගාර්ගි හට දැන ගන්නට ලැබෙනවා. ඇය⁣ සතුව පැවති කුතුහලය නැවතවතාවක් ඉස්මතු වීම සිදුවෙනවා. එයත් සමඟ ගාර්ගි අවසානයේ බලපෑමට ලක් වූ දැරියව මුණ ගැසීමට යාමෙන් අනතුරුව ඇයට දරා ගත නොහැකි කම්පනයකයට මුහුණ දීමට සිදුවෙනවා. 

දන්නවද අපි බෙහෙවින් ආදරයකරන, ගෞරවකරන විශ්වාසකරන පුද්ගලයෙකු අපි කෙදිනකවත් නොසිතා ආකාරයකින් අපව රැවටීමකට ලක් කළහොත් එය දරා ගැනීමම⁣ බෙහෙවින් අසීරු කරුණක්.  පියෙක් සහ දුවෙක් අතර පවතින බැඳීම කිසිම ආකාරයක⁣ට අපට සම කළ නොහැක. නමුත් මෙම සිනමාපටය හරහා බැඳීමට එහා ගිය හෘදසාක්ෂිය පිළිබඳව කතා කරනු ලබනවා. ගාර්ගිට අවසානයේ හෘදසාක්ෂියට අවනත වන්නට සිදුවෙනවා. 

බලපෑමට ලක් වූ දැරියත් තමන්ගේ නැගණිය ලෙසින්ද තමන් ද ගැහැණියක නිසාවෙන්ද ඇයට එම දැඩි තීරණය ගැනීමට සිදුවෙනවා. සිනමාපටය පුරාම දියණියකට කළ හැකි දෑ සහ ඇගේ දරා ගැනීමේ ස්වභාවය ඉස්මතුකරනවා වගේම ජනමාධ්‍ය පිළිබඳව ද දැඩි විවේචනාත්මක කතාබහක් ගෙන එනු ලබනවා. 

වරදක් වරදක් ලෙස දැකීමට බැඳීම් හේතුවක් නොකරගත යුතුබවත් යුක්තිය සැමටම ලැබිය යුතු පොදු දෙයක් වන අතර හදවතෙහි පැවතිය යුතු යුක්තියට සාධාරණව ජීවත් වීම තුළින් ජීවිතේ පවතින තුරාවට සැනසීමකින්, හදවත පිරි සතුටින් ජීවත් විය හැකි බව මෙම සිනමාපටය අවසානයේ නිරූපනය කරේ. සමාජයේ එදිනෙදා මුණ ගැසෙන කතාවක් රැගෙන එය සිනමාවක⁣ට ගෙන ඒමට හරිහරන් රාජු  hariharan raju gargi සහ ගෞතම් රාමචන්ද්‍රන් gautham ramachandran විසින් කටයුතු කරන්නට විය. 

මොවුන් දෙදෙනා විසින් රචනා කරන්නට වූ මෙම චිත්‍රපටය, 2022 වසරේ ඉන්දියානු දෙමළ භාෂා නෛතික නාට්‍ය චිත්‍රපටයක් ලෙසින් ගෞතම් රාමචන්ද්‍රන් විසින් අධ්‍යක්ෂණය කර බ්ලැකී, ජෙනී සහ මයි ලෙෆ්ට් ෆුට් ප්‍රොඩක්ෂන්ස් විසින් නිෂ්පාදනය කරන්න⁣ට විය.

මෙම චිත්‍රපටය සාර්ථක මඟකට ගෙන ඒම සඳහා දකුණු ඉන්දියානු සිනමාවේ දක්ෂ සහ ජනප්‍රිය සිනමා නිළියක් වූ සායි පල්ලවි sai pallavi සහ එම ක්ෂේත්‍රයේ ප්‍රවීණයෙකු වූ කාලි වෙන්කට් kaali venkat යන දෙදෙනාගේ රංගනය හේතු සාධක වූ බව සදහන් කළයුතු වේ. ප්‍රධාන චරිත නිරූපණයෙන් ගාර්ගි හැඩවන්නට වූ අතර ඉන්දියව වැනි රටක මේ ආකාරයේ සිනමාපටයක් නිර්මානය කිරීම තුලින් සමස්ථ සමාජයටම විශාල පණිවිඩයක් ලබාදීමට හැකිවීම අතිශය වටිනා කරුණක් බව සදහන් කල යුතු වේ.

නවෝද්‍යා වික්‍රමසිංහ.